Doubtfull Sound

Thursday, November 05, 2015
Fiordland National Park, Southland, New Zealand
Mir ässe no gmietlig Zmorge und stelle unser Schnäggehus uffe Langzytpargblatz in Pearl Harbour. Will, jetzt goht's uff's Schiff. Also zerscht goht's 50 min übere Lake Wanapuri zur West arm power Station. Denn im Minibüsli dure Rägewald übere Wilmotpass in deep Cove. Dört styge mir und 8 anderi uffe Luxusjacht zum dr Doupt Sound z'erkunde. E tooli vo Gletscher gschlyffeni Schluchtelandschaft. 1311 Meter hochi Bärge falle steil ab in die Tasmanischi See, wo Pinguin, Robbe und Fläschenasedelfin schwümme. Mir sin dr ganz Daag ummetuckered, hänn fangfrüsche Lobster gässe und dr Fisch fürs Znacht gfange. Eifach toll! Denn no e chli Kajak fahre, evsensationelle Stärnehimmel gnosse und nachere warme Duschi ins kuschelige Doppelbett go schloofe. D Wält isch doch so schööön.
Other Entries

Comments

2020-10-31