More Snapper

Friday, November 13, 2015
Moetapu Bay, Marlborough, New Zealand
Wunderbar hänn mir gschloofe in däre chleine Bucht, schön ruhig. Nacheme usdehnte Zmorge mit Sicht uff unseri Bucht beschliesse mir, ins Fischbusiness ystiege - dr Red Snapper chunt um die Zyt yne. Also schlyche mir dure Wald, damit mir uffeme Felsvorsprung chönne dene Schwärm vo Fisch abpasse. Für 8$ hänn mir chleini Squid kauft, stinge bestialisch, wo mir an modisch rosarot gfiederete Hoge Spiesse. Und ab ins Meer dermit (2oz Blei als Gwicht). Es goht nid lang und es rupft an dr Ruete - Byte abgfrässe - mir hänn jo no viel Tintefischli. Als nomol vo vorne. D Stingdintefischli dörf immer ich ufspiesse, fange dien mir aber beidi. Do mir nur ei Ruete hänn, duet d Bea zwüschdure Muschle sammle. Nach öppe 5 Stund isch dr letschti Squid verfieteret und mir göhn zrugg in Camper go Muschle im Wyswysud choche. Die wilde Muschle sin gässe, lääägg sin die guet, mir gön grad nomol uuse u paar go pflügge für Spaghetti ale Vongole morn. Ssssauguet.
Other Entries

Comments

2020-10-31