Im Schatte vo Mordor

Tuesday, November 17, 2015
Tongariro National Park, Manawatu-Wanganui, New Zealand
Hütt sin mir äxtrafrie uffgstande, 5:30h!!!, und das in de Ferie. Mir hänn alli unseri Superkleider für egsdremi Wätter paggt oder aaglegt. Wil bi dere Alpeüberqueerig isch mittem Wätter nid z'gspasse. Mitem Bus sin mir und 34 Andere und ca 50 andere Büs zum Startpunggt gfahre. Letschts Briefing vo dr Busschofföse "s het in dene 6-8 Stunde, knapp 20km uff 1900 müM und aabe, nur zwei Gaggihütte - für die über 3000 Lütt - und es isch immer eine umme - und uffem ganze Treck hets ersch 1km vor Schluss e Wald. Alli (fascht Alli) sin aagstande - soo doof. Mir sin aber losgloffe und hänns eso gschafft de wilde Orkshorde z entfliehe. Bim Uffstyg isches den au saukalt und stürmisch worde. Kei Problem für uns - logisch. Und immer het me dä Vulkan "Mt. Doom" im Blick, wo dr Frodo dr Ring versänggt het. Es isch scho e gewaltig schöni Gegend - mit z'viel Lütt. Mir händ diä Alpeüberquerig guet gschafft und sin uff de Wegge in's Wohnmobil plumbst. Sicher schloofe mir guet. Ah jo , mir hänn 6 1/2 Stund gha mit Pause.
Other Entries

Comments

2020-10-31