In Teufels Küche

Thursday, November 19, 2015
Waimangu, Bay Of Plenty, New Zealand
E Zmorge mit Bligg uffe See bi junger Sunne isch scho no schön. Aber denn göhn mir bi Zyte loos zum go d Huka Wasserfäll aaluege. Smaragtblaus Wasser (ussem See vo geschter) zwängt sich dur e ängi Schlucht um denn 9 Meter abe z'gheie. Gegene Rhyfall e Buebebrünneli, aber doch sehr Ydrüglig. Au do hets Bötli wo zahlendi Lütt an Wasserfall aanefahre, für my Gschmagg viel z'wenig nooch. Mir fahre denn wyter nach Wai-O-Tapu, e Vulkangegend wo's us dr Ärde zischt, brodled, blubbered, blöterled und vor allem nach fuuule Eier stinggt. Me schmeggts: Do kocht dr Düfel. D Farbe vo däm Vulkangezische aber sin fantastisch. Ab an nägschte See, e grosse Falter am Hooge so Schuppefueter sy....es git früschi Ärbsli annere Cocos-Chilly Soose mit Daigaffe und .... Huen.
Other Entries

Comments

2020-10-31