Cathedral Cove

Monday, November 23, 2015
Hahei, Waikato, New Zealand
Geschter Zoobe hänn mir no vor em Schlammlochgrabe e Seekanufahrt buecht, e ganztägige. Uffstoh am 6i und am 8i los zum Kanustrand. Dört hän zwei Guides und 5 Kanu uf uns gwartet (sin eigentlig Kajaks gsi). Dr gaanz Daag Sunne und mir sin 7h uffem Ozean ummepaddlet. An Steilhäng vorbi, in Hölene iine, dur Grotte dure und immer uff Wälleli oder Wälle. E Pinguin het uns komisch aagluegt und e Schwarm Roche isch unter uns duuregschwumme. Mängmol hän mir an Stränd ghalte um Sehenswürdigkeiten go aaluege wie z.B. Cathedral Cove, e Höli und Strand wo nur bi Ebbe erreichbar isch. Eifach e super Daag.... Zoobe sitze mir no vorem Camper, Ärm wie die vom Poppey und gniesse d Oobesunne... So passt das
Other Entries

Comments

2020-10-31