Goldrusch

Saturday, November 28, 2015
Whakatiwai, Auckland, New Zealand
Um die Elfi sin mir unser Fischfilet go hole. Mir hänn das geschter nid schlächt gmacht, die Filets vom Profi sehn e bitz besser us, es isch aber e chli weniger dra. Also, mir chönne das. Wo mir so dr Küschte entlang grutscht sin gsehn mir e Schild "Thame Goldmine Experience". Jetzt könne mir fische, filetiere, den finde mir sicher au Gold. Also sin mir die Goldmine und Goldfabrik go aaluege. Eigentlig isch si stillglegt, aber e paar Pensionierti hänn d Rächt kauft und e Club gründet. Jetzt wänn si wyder Gold sueche, "es het no viel" seit dr Guide in de Tunnel und zeigt drei Nuggets wo är gfunde het. Mir hänn vorusse zwei Stund Gold gwäsche ussem Schutt und - Gold gfunde! Do's in dr Schwyz au Gold git sin mir doch wyter gfahre. Gege Auckland zue hets afo Rägne und Stürme wie im Himmel vorusse - toll sone Wohnmobil. Ganz miesam isch den s beschaffe vom Zahlecode, für e Ketteschloss wo dr Wäg zum Campground versperrt het, gsi. 3/4h telefoniere im Räge (mir im Camper) um 16$ z'zahle für e Code. Das isch so miesam, dass mir gaanz elei uffeme rysige Platz hänn könne ässe und schloofe. Nur vieli Vögel sin no do gsi, wo wunderbar pfiffe hänn.
Other Entries

Comments

2020-10-31